İnkisaf geriliyi olan usaqlarla unsiyyet qurmaq yollari

Valideynlər inkişaf geriliyi olan uşaqlarla necə ünsiyyət qurmalıdır?

İnkişaf geriliyi olan uşaqların valideynləri üçün gündəlik situasiyalar zamanı ünsiyyət qaydaları:

✓ Uşaqla çoxlu danışın.

✓ Uşağınızla danışmazdan əvvəl onun adını çəkməklə və ona toxunmaqla diqqətini özünüzə çəkin və əmin olun ki, siz onunla söhbət edərkən o, sizə baxır.

✓ Uşağın səviyyəsində oturun və onunla söhbət edərkən üzünə, xüsusilə gözlərinə baxın.

✓ Danışarkən jestlərdən və nitqdən istifadə edin. (jestlərdən ona görə ki, diqqəti dağılmasın, sizdə qalsın).

✓ Hər hansı bir fəaliyyət növünün öyrədilmə prosesini oyun formasında, şən və mükafatlandırma ilə keçirin. 

✓ Haqqında danışdığınız əşyanı, şəkli fəaliyyəti ona əyani göstərməyə çalışın ki təsəvvür də yaransın və rahat qavraya bilsin.

✓ Yamsılamalardan istifadə edin. Sonra onun da etməsi üçün həvəsləndirin.

✓ Öyrətmək istədiyiniz fəaliyyət növünü öyrənənə qədər hər gün təkrarlayın.

✓ Aydın və sadə dildən istifadə edin, daha vacib sözləri vurğulayın.

✓ Nə etmək istədiyinizi uşağa göstərin və ona kömək edin ki, sizi təqlid etsin.

✓ Əgər uşağın ehtiyacı varsa ona kömək edin, ancaq bu kömək həddən artıq olmasın, dəstəyi tədricən azaldın.

✓ Yerinə yetirdiyi hər işdə uşağı sərbəstliyə alışdırmağa çalışın.

Yadda saxlayın ki, uşağınız sizdən nə qədər az asılı olarsa, həm uşaq özü, həm də siz bir o qədər sərbəst olarsınız. Özünü sərbəst hiss edən uşaqlar daha rahat ünsiyyət qurur, danışır və öyrənməyə meyilli olur.

#inkişafgeriliyi #valideynuşaqmünasibəti #psixologiya #elpidapsixolojivenitqmerkezi